“Сорос-Кыргызстан” фонду 3-июнда кыргыз Википедиясынын түзүлгөнүнө 21 жыл болгонун билдирди. Фонддун маалыматына ылайык, алгачкы тогуз жылда анын иши жай жүрүп болгону 1300 макала киргизилген.
2011-жылдан тартып “Сорос-Кыргызстан” маалымат киргизүүгө колдоо көрсөтө баштаган. Ушу күндө Википедияда кыргыз тилиндеги маалыматтардын саны 80 миңден ашты. Википедиянын бардык тил бөлүмдөрүнүн арасынан 142-орундан 81-орунга көтөрүлдү.
Интернеттеги Википедия сайтынан 300дөй тилде маалымат алып, түшүндүрмө тапса болот. Каалаган интернет колдонуучу кайсы бир түшүнүк жөнүндө бул энциклопедияга маалымат жазып же буга чейин жазылган макалаларга түзөтүүлөрдү киргизе алат.
Википедия сайтын 2001-жылы 15-январда Жимми Уэлс жана Ларри Сэнгер аттуу ишкерлер түзгөн. (BTo)
Дагы караңыз
Владимир Зеленский Украина контрчабуулга даяр экенин айттыШарль Мишел Борбор Азияны тооруган санкциялар тууралуу маалымат бердиЖапаров менен Мишелдин жолугушуусунда адам укуктары тууралуу сөз болдуДиний уюмдун өкүлдөрү пара берүүгө шек саналып кармалдыНиязалиеванын штабынан кармалган эки киши үй камагына чыктыМай айында Орусиядан төрт мигранттын сөөгү алынып келди