Орусия түн ичинде Украинанын бир катар аймактарына ракетадан сокку урду. Киев майдын башынан бери тогузунчу жолу аба чабуулуна туш болду. Шаардын аскердик администрациясынын башчысы Сергей Попко мурда болуп көрбөгөндөй интенсивдүү жана кубаттуу соккулар урулганын билдирди. Анын айтымында, Каспий деңизи тараптан Ту-95МС жана Ту-160 бомба таштаган учактардан Х-101/555 үлгүсүндөгү канаттуу ракеталар атылган. Бардык ракеталар абада жок кылынган.
Киевдин мэри Виталий Кличко үч райондо ракеталардын сыныктары табылганын маалымдады. Бир жерде өрт чыгып, көп узабай өчүрүлдү.
Жабыркагандар тууралуу кабар түшкөн жок.
Одесса облусунун аскердик администрациясы шаршембинин кечинде болгон ракета соккусунан бир киши каза тапканын, экөө жараат алганын билдирди. Дүрмөттөрдүн көбү атып түшүрүлдү, бирок бирөө өнөр жай ишканасына тийген.
Украин куралдуу күчтөрүнүн командачысы Валерий Залужныйдын айтымында, бейшембиге караган түнү атылган орусиялык 30 ракетанын 29у жок кылынды. Генерал ошондой эле төрт учкучсуз учак атып түшүрүлгөнүн кошумчалады. Бул маалыматты ыкчам түрдө бышыктоо мүмкүн эмес.
Орусиянын Коргоо министрлиги украин аймагындагы чабуулдар жөнүндө маалыматтарга комментарий берген жок.
Дагы караңыз
Төө-Ашуудагы тоннелден өтүүгө чектөө киргизилдиДепутат Кожокулова Орусияда кыргыз паспорту сатылып жатканын айттыКыргызстандык эки ишканага Орусияга балык ташууга уруксат берилдиСурабалдиева Кошалиевдин Курултайдын төрагасы болгонго укугу жок экенин айтты“Дело №...” басылмасын негиздеген Светлана Красильникова каза болдуОшто Дүйнө эпосторунун эл аралык фестивалы башталдыСадыр Жапаров Кытайдын төрагасы Си Цзинпин менен жолугушту