Тайланддагы шайлоодо оппозициялык партиялар парламенттеги көпчүлүк орунду ээлешти.
Өзгөрүүлөрдү сунуштаган "Алга карай" жана "Тайлар үчүн" партиялары парламенттеги 500 орундун 293үн жеңип алды. Алар буга чейин коалиция түзгөн.
2014-жылы аскердик төңкөрүш менен бийликке келген Тайланддын азыркы премьер-министри Прают Чан-Очанын партиясы 36 гана мандатка ээ болду.
"Алга карай" партиясы экономикада, армияда жана монархияны коргогон мыйзамдарды кескин өзгөртүүлөрдү жактайт. Бул талаптар 2020-жылы студенттер жигердүү катышкан нааразылык акцияларында айтылган. Анда “Алга карайдын” бир нече өкүлү митингдин лидерлери болушкан. Анын 42 жаштагы төрагасы Пита Лимчароенрат өлкөнүн жаңы премьер-министри болууга даяр экенин мурда билдирген.
Дагы караңыз
Ири өлчөмдөгү алдамчылыкка шектүү аял камакка алынды WP: Пригожин украин чалгынчыларына кызматташууну сунуштаганТүркия: Эрдоган алдыда, бирок шайлоо экинчи айлампада чечилиши мүмкүн