Жогорку Кеңештин тармактык комитети 18-апрелдеги жыйынында өспүрүмдөр жана жаштар арасында маңзат колдонуу көрүнүшүнүн алдын алуу, маңзат соодасына каршы күрөш тууралуу Ички иштер министрлигинин маалыматын угуп жатат. Анда депутат Русланбек Жакышев айрым дарыканаларда курамында психотроптук зат бар дары-дармектер ачык эле сатылып жатканын, окуучулар аларды колдонгон учурлар көп экенин айтты. Ички иштер министринини орун басары Нурбек Абдиев мындай көрүнүштөрдүн алдын алуу үчүн рейддер өтүп жатканын, күчтүү дарылардын тизмеси кеңейгенин билдирди.
"Саламаттык сактоо министрлигинин 4-апрелдеги буйругу менен күчтүү, таасир берүүчү дарылардын тизмеси кеңейди. Мындай дарыларды рецепти жок сатып жаткан аптекалар аныкталган. Маселен, Бишкекте эки факт аныкталып эки дарыканага 50 миң сомдон айып пул салдык. Ушундай учурларды аныктоо үчүн Саламаттык сактоо министрлиги менен бирге рейддерди уюштуруп жатабыз",-деди Абдиев.
Ушул айдын башында милиция социалдык тармакта маңзат соодасына байланыштуу курьерлердин сабалышына байланыштуу үч жаран кармалганын билдирген. Андан көп өтпөй Улуттук коопсуздук комитети Бишкектеги ботаникалык бакта "маңзаттарды жашырууга аракеттенип жаткан жеринен бир нече адам кармалганын" маалымдаган. Анда кармалгандар арасында мектептин 9-11-классынын окуучулары жана 16-17 жаштагы эки улан болгону, алардын баштыктарын тинтүү учурунда жалпы салмагы 921 граммды түзгөн синтетикалык маңзат алынганы айтылган
ИИМдин маалыматына ылайык, былтыр 230 килограммдан ашык психотроптук заттар алынып, онго жакын баңгизат лабораториясынын иши токтотулган.
Дагы караңыз
Суданда Европа Биримдигинин элчисине кол салуу болду Ошто жер көчкү жүрүү коркунучу бар аймактар иликтенип жатат Баткен: чек арадагы тургундардын курал алышынын жол-жобосу такталды Иркутскиде "вагнерчилер" көмүлгөн жаңы жай табылды Садыр Жапаров демөөрчүлүк фонду тууралуу түшүндүрмө берди Токмок шаарынын мэри Урматбек Самаев кармалды