Казакстандык эркин журналист, парламенттик шайлоодон кийин 25 суткага камалган Думан Мухаммедкарим ачкачылык жарыялагынын адвокат Галым Нурпеисов маалымдады. Анын айтуусунда, талапкер журналисттер менен жолугуштурууну талап кылууда.
Мажилис депутаттыгына талапкер Думан Мухаммедкарим 20-мартта Алматыда өткөн маалымат жыйынында шайлоонун жыйынтыгына макул эместигин айтып, тилектештерин тынч митингге чакырган.
21-мартта шаардын административдик соту аны 25 суткага камоо чечимин чыгарды.
Думан Мухаммедкарим YouTube каналы аркылуу бийликти сындап келет. Аны "катталган жеринин туура эместигинен улам" аймактык шайлоо комиссиясы (АШК) мажилис депутаттыгына талапкер катары каттоодон баш тарткан. Ал АШКны сотко берип, утуп алган.
19-мартта өткөн мажилиске шайлоодо расмий жыйынтыктарга ылайык, башкаруучу "Аманат" партиясы көпчүлүк добушка ээ болду. Көз карандысыз жана эл аралык байкоочулар добуш берүү мыйзам бузуулар менен коштолгонун белгилешкен. Утулуп калган көпчүлүк талапкерлер шайлоону мыйзамсыз деп табууну талап кылышты.
21-мартта Казакстандын президенти Касым-Жомарт Токаев шайлоо "масштабдуу өзгөрүүлөрдүн татыктуу уландысы" болгонун айтты. Казакстан Боршайкому шайлоо жыйынтыгына таасир эте алчу олуттуу мыйзам бузуулар болбогонун маалымдады.
Дагы караңыз
"Мекен-картка" документ кабыл алуу башталды АКШ Путиндин Беларуска өзөктүк курал жайгаштыруу тууралуу билдирүүсүнө жооп берди Милициянын кылмыш иликтөө бөлүмүнүн башчысы опузалоого шектелип кармалдыБоррел: Си Цзинпиндин Москвага сапары өзөктүк чыңалууну басаңдатты