Гамбургдагы кол салууда өлгөндөрдүн саны сегизге жеткенин Ассошиэйтед Пресс агенттиги полицияга таянып билдирди.
Германиянын канцлери Олаф Шольц атышууларды “ырайымсыз зомбулук актысы” деп мүнөздөдү.
Полиция 9-мартта Гамбургдагы чиркөөдөгү атышуудан бир канча киши набыт болгонун маалымдаган. Баштапкы маалыматтарда алты киши өлгөнү жазылган.
Расмий маалыматка ылайык, окуя кечки саат тогуздарда Гросс Борстел районундагы Жахабанын күбөлөрүнүн борборунда болгон. Полиция кол салган киши да өлгөнүн, ал өзүнө кол салганын маалымдаганын 24hamburg.de жана Bild басылмалары жазды.
Укук коргоо органдары азырынча кылмыштын мотивин аныктай элек, окуя "жапырт кол салуу" катары иликтенүүдө.
Дагы караңыз
Грузия парламенти "чет элдик агенттер" жөнүндө мыйзам долбоорун четке кактыСадыр Жапаров: Кыргызстан ЖККУ ролун жогорулатууга кызыкдарӨзбекстанда Конституция боюнча референдум 30-апрелге белгиленди