Казакстандын Актөбө облусунда Бишкек-Самара багытындагы жүргүнчү ташыган поезд менен тепловоз кагышты. Бул тууралуу Казакстандын Өзгөчө кырдаалдар министрлигине шилтеме кылып жергиликтүү басылмалар жазышты. Ага ылайык, окуя 5-мартта эртең менен болгон. Кагылышууда эч ким жабыркаган жок, кырсыкты иликтөө үчүн атайын комиссия түзүлдү.
Министрликтин билдиришинче, жүргүнчү ташыган поездде 200дөн ашык адам отурган, алар Казакстандын, Кыргызстандын жана Орусиянын жарандары болгон.
"Кыргыз темир жолу" мамлекеттик ишканасы бул окуяга байланыштуу азырынча маалымат бере элек.
Аталган ишкана буга чейин Бишкек-Самара багытындагы поезд жумасына эки жолу, шаршемби жана жума күндөрү жөнөй турганын билдирген.
Дагы караңыз
БУУга мүчө өлкөлөр Дүйнөлүк океанды коргоо келишимин колдоду Валентина Шевченко чемпиондук титулун коргой албай калды Үй түрттүрүлгөн окуядан кийин Садыр Жапаров Ак-Ордо конушуна барды Орусиядагы кыргыз элчилиги кароосуз калган төрт баланы мекенине жөнөтөт ИИМ: пара сураганы соцтармакка чыккан кызматкер иштен алынды Өзбекстан: журналисттер, блогерлер кысым жөнүндө Мирзиёевге кайрылды Rheinmetall Киев менен танк заводун куруу тууралуу сүйлөшүп жатат