Бүгүнкү күндө Кыргызстанда орточо пенсия сегиз миң сомду түзүүдө. Бул тууралуу бүгүн 15-февралда Жогорку Кеңеште пенсиялык реформа талкууланып жатканда Социалдык фонддун төрагасынын орун басары Теңизбек Абжапаров билдирди.
Анын айтымында, былтыр пенсиянын орточо суммасы эки миң сомго жогорулады:
“Пенсияны мынчалык көбөйтүү болгон эмес. Азыр пенсиянын орточо эсеби сегиз миңге жакын болду. Былтыр алты миң болчу”.
Статистика комитетинин 2022-жылдын үчүнчү кварталындагы эсеби боюнча, жашоо минимуму Кыргызстанда 7242 сомду түзөт.
Социалдык фонддун маалыматына караганда, азыр өлкөдө 740 миңдей пенсионер бар.
Коронавирус пандемиясы башталган 2020-жылдан берки жана былтыр февралда Орусия Украинага кол салгандан кийинки дүйнөдөгү экономикалык өзгөрүүлөрдүн таасиринен улам Кыргызстанда да азык-түлүктүн дээрлик бардык түрү, мүлк жана башка товарлар бир нече эсе кымбаттады. Мисалы, бир жыл мурда 35 сомдун тегерегинде сатылган сүт-айрандын азыркы баасы 70 сомдон ашат.
Учурда Кыргызстанда инфляциянын деңгээли расмий түрдө 14,7% деп аныкталганы менен талдоочулар 20-25% болуп жатаканын айтууда. (RK)
Дагы караңыз
Соцфонддо топтолгон акчасы бар экенин билбегендер маселеси көтөрүлдүСот Орозайым Нарматованы 20-апрелге чейин үй камагында калтырды12 жыл мурдагы өлүм: соттолгон тараптын жүйөсүТүркия: "Элге жашаган үйлөрүн мүрзө кылып бердиңер"