Быйылкы жылдын 30-декабрынан тартып Кувейт-Бишкек-Кувейт багыты боюнча кошумча чартердик каттамдар ачылат.
Бул тууралуу "Манас" эл аралык аэропортунун басма сөз кызматы кабарлады. Маалыматка караганда, Jazeera Airways авиакомпаниясы Бишкектен Кувейтке каттамдарды 2022-жылдын 30-декабрында жана 2023-жылдын 1, 2, 4, 13, 15, 19-январь күндөрү аткарат.
Буга чейин Бишкектен Кувейтке жумасына төрт жолу, дүйшөмбү, шейшемби, шаршемби, жума күндөрү туруктуу каттам жүргүзүлүп келген.
Кыргызстандын элчиликтери тарабынан быйыл жарым жылда араб өлкөлөрүнө бир катар жаңы авиа каттамдарды ачуу иштери аткарылган. Тышкы иштер министрлигинин маалыматына караганда, "Эль-Кувейт-Бишкек-Эль-Кувейт", "Шаржа-Бишкек-Шаржа", "Шаржа-Ош-Шаржа", "Жидда-Бишкек-Жидда" каттамдары боюнча түз авиа каттамдар (чартер) ачылган.(КЕ)
Дагы караңыз
Кемпир-Абад иши: Депутат Бекешев далил жок болгондуктан тергөө токтоп турганын айттыОш: күйүүчү май куюлган цистерналар оодарылып, киши өмүрү кыйылдыДепутат Дин комиссиясына аялдардын ордуна эркектер ишке алынганын айттыFIDH бийликти Тоолуу Бадахшандагы активисттерди бошотууга чакырды