Орусиянын Иркутск шаарында аскердик учак эки кабаттуу үйдүн үстүнө кыйрап түштү. Орус бийлигинин маалыматына ылайык, 23-октябрдагы бул окуядан учактын эки пилоту тең мерт болду.
"Жайкын тургундар арасында жабырлануучулар жок", - деп билдирди Орусиянын Өзгөчө кырдаалдар министрлиги.
Бийлик Су-30 аскердик учагы машыгуу маалында кырсыкка учураганын билдирүүдө. Бирок учактын кыйрашына так эмне себеп болгону айтыла элек.
Иркутск облусунун губернатору Игорь Кобзев жарыялаган видеодон эки кабаттуу үй өрттөнүп жатканын көрүүгө болот.
Бир нече күн мурда Орусиянын Краснодар крайындагы Ейск шаарында турак жайга Су-34 аскердик учагы кулап түшкөн. Андан 15 киши каза таап, 19у жаракат алган.
Иркутск шаарындагы соңку окуя боюнча Орусиянын Тергөө комитети кылмыш ишин козгогону белгилүү болду.
Дагы караңыз
Орусия Украинанын энергетикалык объектилерине кайрадан сокку урдуАкыйкатчы cаясатчылардын кармалышы боюнча парламент спикери менен жолуктуБайсалов активисттердин суракка чакырылышы боюнча билдирүү жасадыКытайдын төрагасы Си Цзинпин үчүнчү мөөнөткө шайланды