Чүйдө бүгүн, 20-октябрда авиациялык коллеждин курсанттары машыгып жаткан учак кулап, эки адам жараат алганы кабарланды. Саламаттык сактоо министрлигинин маалыматына караганда, бирөө Чүй облустук ооруканасынын хирургия бөлүмүндө жатат, ал башынан жараат алып, мээси чайкалган, абалы орточо оор. Экинчи бейтап Улуттук госпиталдын хирургия бөлүмүнө жаткырылды, анын шыйрак сөөгү сынганы айтылды.
Өзгөчө кырдаалдар министрлиги (ӨКМ) жана окуу жай бул боюнча маалымат бере элек.
АКИpress маалымат агенттиги жазгандай, кырсык бүгүн Токмоктун жака белиндеги Кызыл-Аскер айылындагы айыл чарба авиациясынын аэродромунда авиациялык коллеждин курсанттары машыгып жаткан учурда болгон.
Машыгуу үчүн колдонулуп жүргөн эки орундуу Bristol учагы учуп баратып кулап түшүп, күйө баштаган. 22 жаштагы курсанттын абалы оор экени кабарланды.
Дагы караңыз
Тажик бийлиги журналисттерди аёосуз камап жататЛиз Трасс Улуу Британиянын премьер-министри кызматынан кетти Украина электр энергиясын колдонууга чектөө киргизе баштайтПарламент коргонууну жакшыртуу мыйзамын жабык карап жатат