Орусия жок жерден кошуна өлкөсүнө ачкан согушка жана инфляциянын өсүшүнө байланыштуу Чыгыш Европа менен Борбор Азияда төрт миллиондой бала жакырчылыкка батты. Бул тууралуу ЮНИСЕФ 22 өлкөдөн алынган статистикага таянып билдирди.
Акыркы бир жылда, кедей жашаган жеткинчектер 19% көбөйдү. Отчеттогу маалыматка ылайык, Орусияга бул сандын төрттөн үч бөлүгү туура келет. Согуштун айынан ал өлкөдө жакыр жашаган бөбөктөрдүн саны 2,8 миллионго өстү.
БУУнун балдар фондунун эксперттери белгилегендей, “Украинадагы согуштун экономикалык залакасы өзгөчө балдарга тийүүдө.”
Украинанын өзүндө уруш тутангандан бери кедейчиликке баткан балдар жарым миллионго көбөйдү. Согуштун азабын 7 миллион украиналык бала тартып келатат. Мектептер, үйлөр, ооруканалар толугу менен же жарым-жартылай талкаланган, жүз миңдеген киши таза суусуз, электр жарыгысыз калды. Көптөгөн жеткчинчектер ата-энелеринен, жакындарынан ажырады. Алар күнүгө аткылоо, мина өңдүү коркунучтарга туш болуп келатат.
Эксперттер эптеп күн көрүп келаткан балдардын көбөйүшү билим алуу маселесине, татыктуу келечектен кол жууп калуусуна алып келерин эскертишет.
Дагы караңыз
Астана бийлиги Назарбаев ачкан мечитти эстеликтер тизмесине киргизүүнү көздөйтЖашыл планета: журналистиканын экологияга кошкон салымы Айдарбеков аны комитет төрагалыгынан кетирүү аракети көрүлүп жатканын четке каккан жокИманкулов: Кыргызстандын ЖККУнун курамынан чыгуу ниети жок "Жеткинчектердин 70 пайызы жөнөкөй текстти окуп түшүнбөйт"Алгачкы кышкы жалпы республикалык тестирлөөнүн мөөнөтү жарыяланды