Эмгек, социалдык камсыздоо жана миграция министрлигинде сыртка иштегени кетип жаткан кыргызстандыктар боюнча атайын база түзүлүүдө. Бул тууралуу 27-сентябрда Жогорку Кеңештин Конституциялык мыйзамдар, мамлекеттик түзүлүш, сот укук маселелери боюнча комитетинде министрдин орун басары Нурдөөлөт Базарбаев билдирди:
“Кетип жаткан мигранттар боюнча биздин министрлик өзүнчө жаңы база түздүк. Ал ачык система болот. Буюрса айыл өкмөттөрү менен бирге иш алып барабыз. Система жакында ишке кирет. Айыл өкмөттөрү сыртка кетип жаткандар боюнча маалыматты киргизип турушат”.
Министрликтин соңку расмий маалыматы боюнча, бүгүнкү күндө Кыргызстандын 1 миллион 118 миңдей жараны чет жактарда эмгек мигранты болуп жүрөт. Алардын 1 миллион 63 миңи Орусияда, 30 миңдейи Казакстанда, 20 миңге жакыны Түркияда, 10 миңдей кыргызстандык АКШда жана Араб өлкөлөрүндө, Түштүк Кореяда беш миңдейи иштөөдө. (RK)
Дагы караңыз
Бишкекте быйыл кытай грантынын эсебинен 70 чакырым жол салындыБаткенде дайынсыз болуп жаткан жоокердин маселеси парламентте көтөрүлдү Чек ара: Элзаданын жаш өмүрү жайран болдуThe Bell: чек арачыларга мобилизацияга жарамдуулардын тизмеси берилди