“Асман” шаары сөзсүз куруларын 5-сентябрда долбоордун концепциясы талкууланган жыйында Министрлер кабинетинин төрагасы Акылбек Жапаров билдирди. Ал курулуш иштерин алгач болжол менен 20 миң адамга эсептелген шаарчадан баштоо керек экенин, ал жакта элдин ден соолугун чыңдоо жана туристтерди тартуу үчүн жайы-кышы тийиштүү шарт болуу зарыл экенин белгиледи.
Жыйында “Асман экологиялык таза шаары” долбоорунун үч концепциясы талкууланды. Аларды Кыргыз мамлекеттик курулуш жана архитектура университети, Долбоорлоо илимий-изилдөө институтунун Ысык-Көл филиалы жана «Кыргызреставрация» ишканасы даярдашкан.
«Асман» долбоору президенттин тапшырмасы менен ишке ашырылууда, андыктан ал курулат!», - деген Жапаров ал жакта “санарип көчмөндөрдүн” – IT адистердин иштөөсүнө ыңгайлуу алдыңкы телекоммуникациялык санарип технологиялыр болушу шарт экенин коушмчалады.
Президенттин администрациясы Ысык-Көлдө “Асман” деп аталган, 500 миң туруктуу жашоочуга ылайыкташтырылган шаарды куруу долбоорун былтыр жайында жарыялаган. Экологиялык таза, заманбап шарттары бар бул шаар 7-10 жылдын аралыгында курулары кабарланган. Шаар Тору-Айгыр айылына түшмөк, бирок быйыл май айында шаар түшчү аймак өзгөргөнү белгилүү болгон.
Бир катар жарандык активисттер долбоорго каршы чыгып, “Асман шаарынын курулушуна жол жок” деген кыймыл түзүлгөн. Алар Ысык-Көл менен анын жака-белиндеги жерлер коргоого алынган биосфералык аймакка кирерин, шаар курулса экологиялык катастрофа жаралышы ыктымал экенин эскертишкен.
Дагы караңыз
Төрөбаев эл менен жолугушууларда бийликтин иши негизги суроо болуп жатканын айттыКыргызстан 5G технологиясын сынап көрө баштадыХерсон облусунда Орусияга кошулуу боюнча “референдум” жылдыМосквада жол кырсыгына кабылгандардын экөө тең кыргызстандык болуп чыкты