Жалал-Абад облустук усулдук билим берүү бөлүмүнүн башчысы Акылбек Токтосуновдун маалыматына караганда, мектеп директорлугу үчүн сынактын экинчи туруна талапкерлер документ тапшыра баштады.
“Өлкө башчынын жарлыгына ылайык беш жылдан ашык директорлук кызматты ээлеген мугалимдерди жумушунан бошотуп, жалпы облус боюнча 158 бош орунга сынак жарыялаганбыз. Андан 61 мугалим босого баллдан өтүп, кызматка дайындалды. Азыр 97 ваканттык орун бош турат, талапкерлер 25-августтан, 8-сентябрга чейинки аралыкта сынакка катышуу үчүн документтерди тапшырат. Азыр канча киши тапшырды, бизде маалымат жок, себеби документтерди түз билим берүү министрлигине жолдошот".
Токтосуновдун айтымында, директору дайындала элек мектептерди окуу бөлүмүнүн башчылары(завуч) башкарып турушат.
Жалал-Абад облусунда жалпы 469 мектеп бар.
Облуста мектеп директорлугу үчүн сынактын биринчи туру август айынын башында болгон, анда босого баллдан 61 гана мугалим өткөн. Сентябрь айында экинчи туру өтөт. (TB)
Дагы караңыз
Прокуратура Рузиевдин акталышына каршы облустук сотко кайрылды Жо Байден: Горбачёв жаркын келечек үчүн карьерасын тобокелге салганПодольск шаарында машина коюп кеткен кыргызстандык кыз оор абалдаИИМ: милиция башчыны сындаган кызматкер аялын урганы үчүн иштен алынганЗеленский Крымдагы элди Орусиянын базаларынан алыс болууга чакырды