Канатбек Азиз президентке караштуу Стратегиялык изилдөөлөр улуттук институтунун директору болуп дайындалды. Тийиштүү жарлыкка мамлекет башчы Садыр Жапаров кол койгонун президенттин басма сөз кызматы 23-августта кабарлады.
Бул кызматты 2021-жылдан бери Рустам Азизбаев ээлеп келген.
Юрист Канатбек Азиз 2011-жылы БШКнын мүчөсү болгон.
“Ата Мекен” партиясынын мүчөсү жана анын мүчөлөрүнүн жактоочусу, парламенттеги “Ата Мекен” фракциясынын катчылыгынын жетекчисинин орун басары болуп иштеген. 2018-жылы атамекенчилер аны акыйкатчы кызматына сунуштап, бирок Жогорку Кеңеште жетиштүү добуш ала алган эмес.
Канатбек Азиз 2020-жылы Бажы кызматынын төрагасынын мурдагы орун басары Райымбек Матраимовдун адвокаты болгон. Анын аты бажыдагы коррупция боюнча бир катар журналисттик иликтөөлөрдө аталган. Ошол эле жылы "Мекеним Кыргызстан" партиясынан Жогорку Кеңештин депутаттыгына талапкерлигин койгон. (КЕ)
Дагы караңыз
Мигранттар кабылган кырсык: Түркиядагы үч шаарда көңүл айтуу китеби ачылды Next TV каналынын директорунун сотунда лингвистикалык эксперттер суралдыУльяновск: жол кырсыгына кабылган кыргыз жарандарынын абалы оор Орусияда кырсыкта каза болгон төрт жаран Жалал-Абаддын тургундарыРигада советтик жоокерлердин эстелиги алынууда