Өзбекстандын Орусиядагы элчилиги чет өлкөдө ыктыярдуу батальон түзүп же башка мамлекеттеги согуштук аракеттерге катышкан өзбек жарандары кылмыш жоопкерчилигине тартыларын эскертти.
Элчиликтин расмий сайтына чыккан маалыматта ыктыярдуу батальондорго кошулуп чет жактагы согушка катышкандарга Өзбекстандын Кылмыш-жаза кодексинин “Жалданмачылык” беренеси менен иш козголуп, 10 жылга чейин эркинен ажыратуу жазасы каралганы айтылат. Ушундан улам элчилик мигранттарды “ар кандай чагымчыл аракеттерден этият болууга” чакырды.
Өзбекстандын расмий өкүлдөрүнүн мындай билдирүү таратуусуна Орусиянын Пермь аймагындагы өзбек диаспорасынын башчысы Жахонгир Жалолов Украинадагы согушка катышуу үчүн “Тамерлан” деп аталган батальон түзүүнү сунуштаганы негиз болду.
Өзбекстандын Тышкы эмгек миграция боюнча агенттиги июль айынын аягында мигранттарды Орусияда жумуш тандоодо этият болууга үндөгөн. Агенттик мигранттарды Орусия менен Украина ортосунда жүрүп жаткан жаңжал зонасына тартуу боюнча азгыруулар болуп жатканын эскерткен.
“Коммерсант” басылмасы Украинадагы согушка катышуу үчүн Орусияда 40тан ашык ар кандай аталыштагы батальон түзүлгөнүн жазган.
Дагы караңыз
Акыйкатчы аппаратынын кызматкерлери Низовский менен жолугуп чыкты11-августтун аба ырайы: тоолуу аймактарда сел жүрөтОштогу драма театрга Керимбек Калыкулов жетекчи болдуЯнварь окуяларына айыпталгандардын ата-энелери "Акыйкат маршына" чыктыSave the Children: "Талибан" бийликке келгенден бери ооган кыздарынын жашоосу талкаландыCNN: орусиялыктар Иранда учкучсуз учактарды башкаруу боюнча окуудан өттүУлуттук банк Садыр Жапаровдун атын атаган шылуундар тууралуу эскертти