Орусиянын Коргоо министрлиги аннексияланган Крымдагы Орусиянын аскердик Саки аэродромунда болгон жарылуу боюнча маалымат берди. Мекемеден кабарлашкандай, аэродромдун кампасындагы бир нече авиациялык ок-дарылар жарылган. Андан беш адам жаракат алганы кабарланды.
“Аэродромдогу авиациялык техника зыянга учураган эмес. Өрттү өчүрүү жана жарылуунун себептерин аныктоо иштери жүрүп жатат. Аэродромдогу ок-дарылар сакталган жайга өрт жеткен эмес”, — деп айтылат маалыматта.
Аскердик аэродром Орусия аннексиялап алган Крымдын Новофедоровка айылына жакын жерде жайгашкан. Ал Одессадан 250-260 чакырым алыстыкта.
Анда негизинен Су-30СМ, Су-33 учактары жана Су-24М бомбалоочу учактарынан турган авиациялык полк бар.
Полк Украинадагы согушка катышып, өлкө аймагында ракеталык жана бомбалык соккуларды жасаганы маалымдалган.
Орусия Украинанын Крым жарым аралын 2014-жылы жазында күч менен өзүнө каратып алган. Эл аралык коомчулук Крымды Украинанын аймагы деп эсептейт.
Дагы караңыз
ТИМ жаңы паспорттун Орусияда текшерилип жатканын териштирүүдөБучанын бийлиги: шаарда баш-аягы 458 жайкын тургун набыт болгонКрымда аскердик аэродромдун жанында жардыруу болгону кабарландыАйзаданын өлүмү боюнча кенемте берүү маселеси сотто каралат“Укртранснафт” Европанын үч өлкөсүнө орус мунайын жеткирүүнү токтоттуКыргыз-өзбек чек арасындагы “Достук” бекети убактылуу жабылат