Орусиянын күчтөрү ишембиде таңга маал Украинанын Кировоградск облусуна ракеталык сокку уруп, үч киши каза болуп, дагы ондой аскер жарадар болду. Бул тууралуу облустун башчысы Андрей Райкович кабарлады.
Райкович орус аскер күчтөрү эртең менен Кропивницкиге 13 ракета уруп, жыйынтыгында инфратүзүмдөр талкаланган. Ишембиде түнү жана эртең менен Орусия Харьков жана Николаевге бир нече сокку урушкан.
Харьков жана Запорожье шаарларында эки жолу аба коркунучу жөнүндө эскертүү берилди. Харьковдун мэри Игорь Терехов шаардын борбордук райондоруна бир нече катуу сокку урулганын билдирди. Бир адам жараат алганы, куткаруучулар иштеп жатканы кабарланды.
Эртең менен Николаев шаарында да жардыруулар болду. Шаар мэри Александр Сенкевия курмандыктар жок экенин маалымдады. Днепропетровск облусунун Никопол жана Криворожск шаарлары дагы аткылоого кабылды. Аймактын аскердик администрация башчысы Валентин Резниченко соккулардан газ түтүктөрү жана электр түйүндөрү талкаланганын билдирди. Курмандыктар жок.
Орусиянын аскерлери президент Владимир Путиндин буйругу менен 24-февралда Украинанын аймагына басып кирген. Аскердик кол салуунун максатын ал Украинаны "денацификациялоо" жана "демилитаризациялоо" деп атаган, бирок анын жөнүн так түшүндүргөн эмес.
Согуш башталган беш айдан бери Украинада миңдеген, айрым эсептер боюнча он миңдеген жайкын тургундар каза болду. Эки тараптын кагылышуусунан эле миңдеген аскерлер кырылды. (TSh)
Дагы караңыз
Орусиянын аскер күчтөрү Харьков жана Запорожьени аткыладыЫсык-Көлдө эс алуу жайында чыр салган кылмыштуу топтун мүчөлөрү кармалдыНарында зомбулук боюнча жетекчилер жоопкерчиликке тартылдыБеш жыл ичиндеги аскер өлүмдөрү иликтенетБишкекте көчөлөргө суу себүү иши бир жума уланат