Нарын облустук прокуратурасы “Үй-бүлөлүк зомбулуктан сактоо жана коргоо жөнүндө” мыйзамдын аткарылышы боюнча район жетекчилеринин ишин текшерди. Бул тууралуу Башкы прокуратуранын басма сөз кызматы маалымдады.
Текшерүүнүн жыйынтыгында, прокуратура үй-бүлөлүк зомбулуктун алдын алуу иш-чаралары тийиштүү деңгээлде жүргүзүлгөн эмес деген район жетекчилеринин орун басарларына Укук бузуулар кодексинин 435-беренеси (“Кызмат адамдарынын ченемдик укуктук актыларынын талаптарын бузуусу”) менен иш козгогон. Сот ал жетекчилердин ар бирине 10 миң сомдон айып пул салган.
Нарында ушул жылдын алты айында, үй-бүлөлүк зомбулук боюнча 132 факты катталып, анын ичинен 118 (89,4 %) учур аялдарга карата 13 (9,8%) учур жаш жете электерге карата жасалганы аныкталган.
Кыргызстанда соңку кездери аялдар карата зордук-зомбулук, үрөй учурган окуялар көбөйдү. Ички иштер министрлигинин эсебинде, былтыр үй-бүлөлүк зомбулук боюнча 10 151 факты катталган. Үй-бүлөлүк зомбулуктан жабыркагандарга 9038 убактылуу коргоо ордери берилген болсо, анын 8463ү аялдарга, 264ү жашы жете электерге тиешелүү. (TSh)
