Ушул тапта Орусиянын абактарында соттолгон же убактылуу тергөө камак жайларында отурган миңден ашык кыргызстандык бар. Бул тууралуу акыйкатчы Атыр Абдрахматова 8-июнда парламентте омбудсмендин жылдык баяндамасы угулуп жатканда айтты.
Акыйкатчы Орусияда 18-25 жаштагы кыргызстандык улан-кыздар “баңгизат менен аябай көп камалып жатышканын” билдирди.
Мыйзам боюнча чет өлкөдө сот чечими чыккандарды Кыргызстанга экстрадиция кылуу иштери менен Башкы прокуратура алектенет.
Расмий маалымат боюнча, азыр бир миллиондон ашык кыргызстандык Орусияда иштеп жүрөт. (BTo)