Казакстанда өткөн күрөш боюнча Bolat Turlykhanov Cup эл аралык рейтингдик мелдешинде кыргызстандык балбандар жалпы 10 медал утту. Дүйнөлүк күрөш уюмунун сайтындагы маалыматка таянсак, мелдеш 2-июндан 5-июнга чейин Алматы шаарында өткөн.
Кыз-келиндер күрөшү, эркин күрөш жана грек-рим күрөшү боюнча таймаштардын жыйынтыгында кыргыз балбандары төрт алтын, бир күмүш жана беш коло медалга ээ болушту.
Алтын байгелерди кыз-келиндер күрөшүнөн Айпери Медет кызы (76 кг), грек-рим күрөшүнөн Акжол Махмудов (82 кг), эркин күрөштөн Эрназар Акматалиев (70 кг) менен Бекболот Мырзаназар уулу (61 кг) алышты.
Күмүш байгени эркин күрөш балбаны Саякбай Усупов (79 кг) алды. Коло байгелерге эркин күрөштөн Алибек Осмонов (70 кг), грек-рим күрөшүнөн Жоламан Шаршенбеков (63 кг), Ильяс Ренат уулу (77 кг), Калидин Асыкеев (82 кг) жана Атабек Азизбеков (87 кг)ээ болду. (ECh)
Дагы караңыз
Акматалиев Күрөш дүйнөсү уюмунун рейтингинде биринчи орунга көтөрүлдүИранда имараттагы кырсыктан мерт кеткендердин саны 38ге жеттиСеверодонецкиде украин күчтөрү кайрадан сүрүлө баштадыАлдын ала жыйынтык: Казакстанда Конституцияга өзгөртүүлөрдү добуш бергендердин 77% колдодуОш: ККМдин коюлушуна каршы болгон соодагерлер акцияга чыгышты