Улуттук коопсуздук боюнча мамлекеттик комитеттин (УКМК) төрагасы Камчыбек Ташиевдин опузалап пара алууга шек саналып кармалган өкүл баласы үй камагына чыгарылды.
Маалыматты Жалал-Абад облустук сотунун басма сөз кызматы ырастады.
Шектүүнү үй камагына чыгаруу токтомун Жалал-Абад шаардык сотунун судьясы 29-апрелде кабыл алып, үй камагынын мөөнөтүн 29-майга чейин деп аныктаган.
УКМКнын басма сөз кызматы өткөн айда өкүл бала И.А.К. Ташиев менен мамилесине жамынып ишкерден опузалап акча талап кылганы үчүн кармалганын билдирген.
Ал жана Сузак районунун Таш-Булак айыл аймагынын кызматкери ишкерден 120 миң сом акча талап кылганы аныкталганын, 90 миң сом алып жаткан жеринен кармалганын кабарлаган.
Шектүүлөрдүн аты-жөнү айтылган эмес. Алар тараптан комментарий боло элек. (BTo)
Дагы караңыз
Швеция жана Финляндия НАТОго кошулууга арыз тапшырдыМамдепартамент Украинадагы согуш кылмыштарын далилдеген фактыларды чогултатТарых музейиндеги өрт боюнча маселени парламентте кароо сунушталдыSuperTV каналынын кызматкерлерине парламентке кирүүгө тыюу салынды