Президенттик администрациянын жаңы имаратына алмашыла турган 16 гектар жер Бишкектин түштүк тарабындагы “Ынтымак” паркынын маңдайынан берилери расмий ырасталды. Бул тууралуу президенттин иш башкаруучусу Тилек Батырканов “Азаттыкка” курган маегинде айтты.
“Мамлекеттик имаратты салыш үчүн биздин карамагыбызда турган 16 гектар жерди инвесторлорго сунуштап, алар бизге ушул имаратты салып бергенге макул болду. 16 гектар жер Малдыбаев көчөсүндөгү “Ынтымак 1” жана “Ынтымак 2” парктарынын маңдайында жайгашкан. Бул бир толук жер”.
Анын сөзүнө караганда, президенттик администрациянын жаңы имаратына айырбашталып жаткан 16 гектар жер башында Бишкек мэриясыныкы болчу. Кийин Спорт комитетине өтүп, былтыр президенттин иш башкармалыгы алган.
15-апрелде өлкө башчы Садыр Жапаров мурдагы Ысык-Көл мейманканасынын ордуна курулуп жаткан президенттик администрациянын имаратынын пайдубалын түптөөгө катышкан. Ал инвесторлор жаңы имаратты салып берип ордуна 16 гектар жерди аларын билдирген. Бирок ушуга чейин ал жер кайсы аймакта жайгашканы айтылбай келаткан.
Жаңы имарат үчүн шаарда баасы кымбат турган 16 гектар жердин берилиши коомчулукта сын-пикирди жаратты. Социалдык тармактын колдонуучулары, активисттер буга каршы чыгып жатышат.
21 миң чарчы метрди түзө турган президенттик администрациянын жаңы имаратын жергиликтүү “TS Group” компаниясы салат. Президенттин иш башкармалыгы анын курулушу 1,5 жылда бүтүп, 2023-жылы анын жанына министрликтер жайгаша турган жаңы мекеме куруларын кабарлады. (BTo)
Сиздин браузер HTML5 ыкмасын колдобой жатат.
"16 гектар жер “Ынтымак” паркынын маңдайынан берилет"
Дагы караңыз
USAID Кыргызстанга 31 миллион сомдук медициналык жабдуу берди ЭлТР телеканалынын кызматкери жол кырсыгынан каза болдуНурбек Изабеков: Айсулуу Тыныбекова машыгууну токтоткон жок Акылбек Жапаров ооруп калгандыктан казак премьеринин Бишкек сапары жылышы мүмкүнГутерриш Киевде украин жетекчилиги менен жолугатОрусия соту Мариупол жөнүндө жазган журналистти камакка алуу чечимин чыгарды