Жогорку Кеңеште Евразия экономикалык биримдигинен (ЕАЭБ) чыгуу тууралуу маселе көтөрүлдү. 14-апрелдеги жыйында депутат Айбек Осмонов Казакстандын чек арасында эки аптадан бери оор жүк ташыган машинелер топтолуп турганын айтты:
“Беш чакырымга созулган узундукта биздин фуралар турат. Ошол жерде кафе да, соода күркөсү да жок экен. Үйүнөн тамак ташып отурат экен. Бул эмне деген нерсе? Биздин өкмөт эмне кылып отурат? Барып чечпейби. Азыркы күндө элибизге керектүү товарлар бар анын ичинде. Анда эмне үчүн биз ЕАЭБге кирдик? Болбосо чыгып кетиш керек мындай мамиле кылса”.
Казакстандын чек арасындагы фуралар маселесин депутат Тазабек Икрамов да көтөрүп, Евразия экономикалык комиссиясында иштеп жаткан кыргызстандык өкүлдөрдү “үн катпай жатат” деп сындады.
Кыргызстандык товар өндүрүүчүлөр негизинен айыл чарба продукциясын Казакстандын өзүнө жана Орусияга ташыйт.
Айдоочулар чек арадагы тоскоолдуктарга нааразылыгын байма-бай айтып келишет.
Беларус, Казакстан, Орусия 2010-жылы Бажы биримдигин түзгөн, ал уюмга 2015-жылы Кыргызстан менен Армения кошулган. (RK)
Дагы караңыз
Нью-Йорк метросундагы кол салууга шектүү кармалдыРусланбек Акматалиев Асман шаарын куруу долбоорунун башчысы болду АКШ Украинага 800 млн. долларлык аскердик жардам беретАлматы соту оппозициялык активист Жанболот Мамайды камакта калтырдыНарын менен Ысык-Көлдө үрөн таңкыстыгы жаралды ЕБ менен Кыргызстандын кызматташтыгы боюнча келишим талкууланды