Евробиримдик Орусиянын Украинага басып киргенине байланыштуу дүйнө азык-түлүк кризисине кабылышы ыктымал экенин эскертти. Шаркеттин тышкы саясат боюнча башкы комиссары Жозеп Боррел буга айыл-чарбага негизиделген украин экономикасынын төмөндөшү түрткү болорун айтты.
Ал 11-апрелде билдиргендей, Орусиянын армиясы украин шаарларын бомбалап, портторду блоктоп салган үчүн буудай ташыган кемелер чыга албай турушат.
Дагы караңыз Украинадагы согуш: дүйнөдө буудай тартыш болотБуга чейин Дүйнөлүк банк 10-апрелде жарыялаган баяндамасында, Украина экономикасы быйыл 45% кыскарарын билдирген. Ошондой эле Орусиянын экономикасы Батыш санкцияларынан улам 11% төмөндөй турганы белгиленген.
"Согуш Украина экономикасына жана Европа менен Борбор Азиядагы өнүгүп бараткан мамлекеттерге олуттуу таасирин тийгизип жатат. Баарынан да жакыр жана аярлуу өлкөлөр жабыркайт",- деди Дүйнөлүк банктын Европа жана Борбор Азия боюнча вице-президенти Анна Бьерде.
Документте дүйнөдөгү соңку кырдаалга байланыштуу Кыргызстандын экономикасы 2022-жылы беш пайызга кыскарып, инфляция 15% жогорулашы мүмкүн экени жазылган.
Ошондой эле Орусияга салынган санкциялардан улам ал жактагы мигранттар которгон каражаттын кыскарышы ыктымал экени белгиленген. Азык-түлүккө болгон баанын көтөрүлүшү, жумуш орундарынын аздыгы 2022-жылы жакырчылыкты күчөтүшү боолголонгон.
Ошол эле маалда өкмөттүн пенсия менен мамлекеттик кызматкерлердин маянасын көтөрүү сыяктуу антикризистик чаралары кырдаалдан жумшак өтүп кетүүгө өбөлгө түзөрү жазылат.
Дагы караңыз
"Ак-Тилек-Карасу" өткөрмө бекетинде 300дөй жүк ташыган машине кезекте турат (видео)Публицист Баратбай Аракеев дүйнөдөн кайттыПакистанда Шахбаз Шариф өкмөт башчылыкка дайындалдыNext TV телеканалынын кызматкери милицияда сурак берүүдө