Жалал-Абаддагы абакты шаардын четине көчүрүүнүн каржы маселеси чечилгенин президенттин облустагы ыйгарым укуктуу өкүлү Абсаттар Сыргабаев билдирди.
Анын айтымында, абакты көчүрүүгө Аксы районуна караштуу Кызыл-Жар айылынан жана Базар-Коргон районуна караштуу Бешик-Жон айылынан сегиз гектардан жер тилкелери караштырылып жаткан. Натыйжада Базар-Коргондон көрсөтүлгөн жерге макулдук алынды.
Бул абак Жаза аткаруу кызматына караштуу №10 мекеме деп аталат. Азыр ал шаардын ичинде 6,8 гектар жерди ээлеп турат.
Ал жер шаар башкармалыгына өтсө мэрия келечекте заманбап имараттарды курууну пландап жатканы айтылды.
Бишкектеги № 47 колония да толугу менен бузулуп, андагылар жасаган кылмышына жана режимине жараша башка атайын мекемелерге которулганы жатат. (TB)
Дагы караңыз
Зеленский эки генералды наамынан ажыраттыӨзбекстандын премьер-министри жумушчу сапар менен Кыргызстанга келдиСоттолгон бажычы Боронбаев Жогорку Кеңешке депутат болдуКыргызстанда оппозициялык кыймыл түзүлдү