Өзбекстандын Самарканд шаарында 60 миң долларга үч жаранды АКШга мыйзамсыз жөнөтүүнү убада кылган 32 жаштагы адам кармалды. Ал ар биринен 20 миңден алып жатканда Коопсуздук кызматынын колуна түшкөнү белгилүү болду.
Шектүү Америкага кетүүнү көздөгөндөрдү "Өзбекстан - Орусия - Түркия - Бириккен Араб Эмираттары - Мексика - АКШ" каттамы менен жөнөтүүнү убада кылган.
Тергөө маалында кармалган адам кардарларына жолго чыгар алдында ПЧР-тест тапшырып, эсебинде беш миң доллар бар банк картасын алуу тууралуу кеңеш берген.
Факт боюнча кылмыш иши козголду.
10-декабрда Өзбекстандын Эмгек миграция боюнча агенттиги Америка - Мексика чек арасынан мыйзамсыз өтүп бараткан төрт өзбекстандык кармалганын билдирген. Алардын андан аркы тагдыры эмне болгону белгисиз.
Соңку жылдары Мексика аркылуу АКШга кирүүнүн амалын издеп жүргөн жүздөгөн кыргызстандыктардын окуялары тууралуу "Азаттык" жакында жазып чыккан.
“Америка кыялына” жетеленген мекендештердин айрымдары максатына жеткени менен дээрлик көпчүлүгү миңдеген доллардан кол жууп, Бишкекке кайтууга мажбур болгон.
Дагы караңыз
Баткен: чек ара чырында жабыркагандардын бири Бишкекке которулду Чет өлкөлөрдө жумушка орноштурууну сунуштаган компаниялар көбөйдү Томас-Гринфилд: Орусия Беларустагы аскерлерин көбөйтүүнү көздөп жататАлдамчылыкка шек саналып кармалган БШК мүчөсү Эшимов жумушка чыкты