Ат-Башы айыл аймагынын жооптуу кызматкерлери жана «Авангард-Строй» курулуш компаниясынын жетекчиси кармалганын Улуттук кооопсуздук комитети (УКМК) 27-январда билдирди.
“Ат-Башы айыл аймагынын жооптуу кызматкерлери үчүнчү жактын кызыкчылыгын көздөп, курулуш иштерин бүтүргөнү тууралуу тастыктоочу документтери жок эле, “Авангард-Строй” курулуш компаниясынын эсебине 20 миллион сомдон ашык каражатты негизсиз которгону аныкталды”, - деп айтылат атайын кызмат тараткан маалыматта.
Тиешелүү мамлекеттик органдардын корутундусуна ылайык, мамлекеттик казынага 13 миллион сомдон ашык зыян келтирилгени кабарланды. Кармалгандар Нарын шаардык милициясынын убактылуу кармоочу жайына киргизилген. Тергөө иштери жүргүзүлүп жатат.
Шектүү тараптан комментарий боло элек. (JsA)
Дагы караңыз
"Ата-Журт Кыргызстан" Ташиевдин мандатына байланыштуу чечим кабыл алдыИсхак Масалиев кайра шайлоого катышкан себебин айттыБишкектеги кайра шайлоо: БШКга арыз бергендердин саны 60ка жетти