Жогорку Кеңештин депутаты Шайырбек Ташиев мандатын тапшыруу үчүн “Ата-Журт Кыргызстан” фракциясынын лидерине кайрылуу жөнөттү. Бул тууралуу аталган фракциянын башчысы Бакыт Төрөбаев "Фейсбуктагы" баракчасына жазды.
"Республикабыздын булуң-бурчундагы шайлоочулардан да кайрылуулар түшүп жатат. Бул маселе фракциянын жыйынында каралат", - деп жазган Төрөбаев.
Улуттук коопсуздук боюнча мамелкеттик комитеттин (УКМК) төрагасы Камчыбек Ташиевдин бир тууган иниси Шайырбек Ташиев былтыр 29-ноябрда өткөн парламенттик шайлоодо №14 Жалал-Абад шайлоо округунан депутат болуп шайланган.
23-январдагы маалымат жыйында Ташиев иниси депутаттык мандатын тапшыра турганын айткан.
Бүгүн, 26-январда Бишкекте он чакты адам Шайырбек Ташиевдин мандатын тапшырышына каршы акцияга чыгышты.
Агасы УКМК башчылыгына келген соң депутаттын Жалал-Абаддагы таасири күчөгөнү айтылып, аны Ташиевдердин үй-бүлөсү четке кагып келет. (КЕ)
Дагы караңыз
Аба ырайы: Ысык-Көл менен Нарында кар жаашы мүмкүн Дары-дармектерди жана медициналык буюмдарды экспортоого убактылуу тыюу салындыУКМК мамлекеттик эки кызматкердин дипломун иликтей баштаганын жарыяладыАКШ Европаны газ менен камсыздайт деп Катарга үмүт артууда "Камбар-Ата 1" ГЭСинин инфратүзүмүн жакшыртуу быйыл жазда башталат