Бишкекте Кыргызстандын балдары тууралуу баяндаган көргөзмө өтүп жатат. Гапар Айтиев атындагы Улуттук көркөм өнөр музейинде ЮНИСЕФ уюмунун 75 жылдыгына карата биргеликте уюштурулган көргөзмө “Кыргызстандын тарыхы фотосүрөттөрдө. Балдар” деп аталат.
Экспозициядан 1946-жылдан берки тартылган 50 чакты архивдик фотосүрөттү көрүүгө болот.
Анда кыргызстандык балдардын сүрөттөрү аркылуу өлкөнүн тарыхы баяндалат.
Фотосүрөттөрдө Совет учурундагы, көз каранды эместиктин алгачкы жылдарындагы жана азыркы учурдагы балдардын жашоосу чагылдырылат.
Бириккен Улуттар Уюмунун Балдар фонду (ЮНИСЕФ) 1946-жылы негизделген. Анын программалары аркылуу балдарга колдоо көрсөтүү боюнча түрдүү долбоорлору ишке ашырылат. (RK)
Дагы караңыз
Садыр Жапаров “Кумтөрдөн” түшкөн таза киреше январга карата 300 миллион долларга жетерин билдирдиБШК: Саккараевди талапкер кылып каттоо тууралуу чечим жокко чыгарылдыБюджеттен каржылануучу жумушта иштегендердин айлыгы көбөйөрү айтылдыАла качууга баш ийбеген кыз сүйгөнүнө жетти