12-декабрда Түркиянын баш калаасы Анкара шаарында залкар жазуучу Чыңгыз Айтматовду эскерүү иш-чарасы өттү. Ага Анкаранын Кечиөрен районунун мэри Тургут Алтынок, Кыргызстандын Түркиядагы элчиси Кубанычбек Өмүралиев, кыргыз диаспорасынын өкүлдөрү жана башкалар катышты.
Иш-чарада жазуучунун чыгармалары тууралуу сөз болду.
Чыңгыз Айтматовдун түрк тилине которулган «Ак кеме» жана «Кызыл жоолук жалжалым» повесттерин Түркиянын Билим берүү министрлиги орто мектептердин программасы үчүн милдеттүү болгон «100 классикалык чыгарманын» тизмесине киргизген.
Анкара жана Стамбул шаарларында Чыңгыз Айтматовдун айкелдери тургузулган. Өлкөнүн чоң шаарларында Айтматов атындагы көчөлөр, маданий борборлор жана сейил бактары бар.
Измирде ачылган Чыңгыз Айтматов атындагы мамлекеттик лицей да бар. (ElB)
Дагы караңыз
АКШнын мамдепартаментинин өкүлү Москвага жана Киевге баратЖумгалда жолдун абалына нааразы болгондор акцияга чыгышты Байден Украина тууралуу Путин менен сүйлөшкөнүн айтты Бир мандаттуу округдан Сатыбалдиев, Төлөнов, Турсунбаев, Түмөнбаев депутат болуп шайланды Варшавада чек арадагы мигранттарды колдогон акция өттү