Түркмөнстандын президенти Гурбангулы Бердымухамедов мунай жана газ тармагын көзөмөлдөөнү карачечекей уулу, вице-премьер-министр Сердар Бердымухамедовго өткөрүп берди.
Бул тууралуу өкмөттүк «Нейтральный Туркменистан» басылмасы жазып чыкты.
Жаратылыш газына бай Түркмөнстан анын кору боюнча дүйнөдө төртүнчү орунда турат. Мамлекеттик казынанын орчундуу бөлүгү сырьену экспорттоодон түшкөн кирешелердин эсебинен жабылат.
Crude Accountability уюмунун кабарлашынча, энергетикадан түшкөн кирешенин 80 пайызы көмүскө экономикага, анын ичинде президент Бердымухамедовдун үй-бүлөсүнүн жеке чөнтөгүнө кетет.
Бир нече жылдан бери бюджеттин кирешелери орточо болуп, өлкө оор экономикалык кризиске кабылды. Республиканын жетекчилиги муну моюнга албайт. Бердымухамедовдун уулу февраль айынан бери өлкөнүн экономикасын жетектеп келген. Андан кийин ал расмий түрдө атасынын орун басары болуп дайындалган.
Түркмөнстандын расмий басылмалары аны “эл уулу” деп аташат. Анын атасы менен бат-бат жолугуп туруусун "муун алмашуунун символу" катары сыпатташат. Сердар Түркмөнстандын атынан көптөгөн эл аралык жолугушууларга катышты. Көз карандысыз байкоочулар 63 жаштагы түркмөн президенти Гурбангулы Бердымухамедовду жалгыз уулун мураскерликке даярдап жатат айыптап келет.
Дагы караңыз
Ошто талапкер каржы иштерине байланыштуу УКМКга сурак берип чыктыДыйкандарга бөлүнгөн насыянын 97% башкалар алганы белгилүү болдуКазакстан Кытайдан жүк өткөрүүнү жеңилдетүүнү өтүндү Бийликти басып алууга шек саналгандар арасында талапкер Купешов бар экени белгилүү болду