16-ноябрда президент Садыр Жапаровдун катышуусунда Коррупцияга каршы ишкерлер кеңешинин биринчи отуруму өтөт. Президенттин басма сөз кызматы ага кеңештин мүчөлөрү, коррупцияга каршы күрөшүү боюнча мамлекеттик органдардагы өкүлдөрү катышарын билдирди.
Иш-чарада коррупцияга каршы мамлекеттик саясат, жемкорлукка каршы мыйзамдарды ишке ашыруу талкууланат.
Жыйын Коомдук телерадио корпорациясы (КТРК), республикалык жана облустук телеканалдардын түз эфиринде жана социалдык түйүндөрдүн баракчаларында көрсөтүлөт. Түз эфир 10:00дө башталат.
Президентке караштуу Коррупцияга каршы ишкердик кеңеш быйыл июль айында түзүлгөн.
Дүйнө өлкөлөрүндөгү коррупциянын деңгээлин изилдеген Transparency International эл аралык уюму жарыялаган ушул жылдагы баяндамага ылайык, Кыргызстан 180 өлкөнүн ичинен 124-орунду ээлеген. Эл аралык уюмдун маалыматына ылайык, 2020-жылдын жыйынтыгы боюнча Кыргызстан 100 баллдын ичинен 31 балл алып, коррупция күч алган мамлекеттердин катарына кошулган. (BTo)
Дагы караңыз
Дастан Бекешев УКМКда сурак берип чыктыПрезидент Жапаров: өкмөт көмүрдү 3000 сомдон сата баштайтӨкмөттө Бишкектеги ыш маселеси талкууландыИИМ диний экстремисттик уюмдардын соцтармактагы ишмердүүлүгүнө каршы күрөшөтКыргызстан “Мегаком” боюнча эл аралык арбитраждык сотто биротоло уттуПашинян азери аскерлерин "чек араны бузду" деп айыптады