Түркияда жасалган "Байрактар" дрондорун сатып алуу иши Улуттук коопсуздук боюнча мамлекеттик комитет аркылуу жүргүзүлөт. Бул тууралуу бүгүн, 12-ноябрда коргоо министри Бактыбек Бекболотов "Кабар" улуттук маалымат агенттигинде өткөн пресс-конференцияда билдирди:
"Байрактар" Улуттук коопсуздук боюнча мамлекеттик комитет (УКМК) аркылуу алынат. Ал аскердик техниканын баары эмнеге керек – өз багыты бар. Ал жагынан пландын негизинде иш жүрүп жатат".
Кыргызстан Түркиядан "Байрактарды" алып жатканын алгач 21-октябрда атайын кызматтын башчысы Камчыбек Ташиев билдирген. Президент Садыр Жапаров Кыргызстан бир жылда аскердик техникасын жаңыртууга жана оңдоого баш-аягы 100 млн. доллар бөлгөнүн, Орусия менен Түркиядан дрондор алынып жатканын 23-октябрда айткан.
“Байрактар” – чалгын жана сокку уруу максатында колдонулуучу, орточо бийиктикте, узак убакытка уча алчу учкучсуз аппарат. (RK)
Дагы караңыз
13-ноябрда күн ачык болотКлиматтык апааттан кайда качабыз?"Жалпы иш" уюму: шайлоо мыйзамдарынын бузулушу жөнүндө 80дей билдирүү түштүДары арзандайт, өкмөт бааны кантип көзөмөлдөйт?