"Жалпы иш" коомдук уюму өлкөдө 25-октябрдан 12-ноябрга чейин шайлоо мыйзамдарынын бузулушунун мүмкүндүгү жөнүндө 79 билдирүү түшкөнүн кабарлады. Алардын ичинен үгүт жүргүзүүнүн эрежелерин бузуу 67, административдик ресурсту колдонуу боюнча 7 билдирүү түшкөн.
Байкоочулардын билдирүүлөрү "Жалпы иш" коомдук уюмунун серепчилери тарабынан текшерилет. Мыйзам бузуулар тастыкталган учурда тийиштүү органдарга арыз жөнөтүлөт. Уюмдун жалпы 72 байкоочусу бар.
Кыргызстанда Жогорку Кеңешке шайлоо 28-ноябрда өтөт. Анда аралаш система аркылуу парламенттеги 90 орунга 54 депутат партиялар аркылуу, 36 депутат бир мандаттуу округдан шайланып келет. (TSh)
