Карым вулканы 8-ноябрь күнү козголуп, деңиз деңгээлинен 4,5 чакырым бийиктикке күл чачкан. Орусиянын Вулканология жана сейсмология институту маалымдагандай, күлдөн пайда болгон булуттар жанар тоодон түштүк-чыгыш тарапка 284 чакырым аралыкка чейин тарады.
Бул жолу вулкандан авиация үчүн коркунучтуу болуп саналган мала кызыл түстөгү күл - чок атылып чыкканы айтылууда.
Бийиктиги 1,5 чакырым болгон Карым жанар тоосу Камчаткадагы активдүү вулкандардын бири.