3-ноябрда Түркиянын Стамбул шаарында өткөн Түрк кеңешинин кезектеги 8-жыйынына түрк тилдүү мамлекеттердин билим берүү министрлери жана кызматкерлери катышты.
Кыргызстандын делегациясын билим берүү министри Болотбек Купешов жетектеп барды.
Иш-чараны Түрк Кеңешинин Башкы катчысынын орун басары Султан Раев, Кеңештин долбоорлор директору Жылдыз Узакова жана Түркиянын Билим берүү министрлигинин өкүлү Буржу Эйисой Далкыран уюштурду.
Жыйында Орхун алмашуу программасы, 2022-жылы өтө турган Түрк университеттер биримдигинин экинчи спартакиадасы боюнча маселелер каралды.
Иш-чаранын катышуучулары Түрк академиясына тиешелүү маселелерди, анын ичинде 15-кылымга чейинки мезгилдеги жалпы түрк тарыхы окуу китебинин, география, адабият боюнча жалпы окуу китептеринин учурдагы абалын талкуулашты.
Түрк тилдүү мамлекеттердин кызматташтыгын тереңдетүү максатын көздөгөн Түрк кеңеши 2009-жылы негизделген. (ElB)
Дагы караңыз
Жалал-Абадда дүйнө чемпионун салтанаттуу тосуп алыштыCOVID-19: Нарында вакцинанын биринчи дозасын калктын 70% сайдырдыКоомдук транспорт: тариф өзгөрдү, шарттар ошол эле