Adidas компаниясынын мурдагы кожоюну, ишкер жана саясатчы Бернар Тапи 78 жаш курагында дүйнөдөн кайтты. Анын өлүмүнө рак оорусу себеп болгону айтылууда.
Тапи 1943-жылы Францияда туулган. Автожарыш менен алектенип, авариядан кийин спорттон кетүүгө аргасыз болгон. 1967-жылы банкрот болуп калган уюмдар менен иштеген компанияны негиздеген.
1986-жылы "Олимпик Марсель" футбол клубун символикалуу 1 франкка сатып алып, ийгиликке жеткирген. Ал ээлик кылып турган 1986-1994 жылдары клуб төрт жолу Франциянын чемпиону болуп, Чемпиондор Лигасында да ийгиликтерге жетишкен.
1990-1993-жылдары Adidas компаниясын жетектеп турган.
2000-жылдарга чейин саясатка аралашып, Франциядагы солчул радикал партиянын мүчөсү, Улуттук жыйындын депутаты болгон. 1994-1997-жылдары Европарламенттин депутаты болгон.
Франциянын президенти Эммануэл Макрон билдирүүсүндө: "Бернар Тапинин амбициясы, энергиясы жана энтузиазмы француздарга дем берген",-деп белгиледи.
Дагы караңыз
Кыргыз боксундагы кризис: машыктыруучулардын арызыЖусуп Абдрахмановдун 120 жылдыгы туулуп өскөн айылында белгилендиЭлектр энергиясы 2 сомдун тегерегинде импорттолуп жататБУУнун баш катчысы менен Тажикстандын тышкы иштер министри Ооганстандагы абалды талкууладыШайлоо-2021: Бир мандаттуу округдан көрсөтүлгөндөр саны 76га жеттиПрезидент Кумтөр алтын кени боюнча пикирин жаздыГрузия: БШК шайлоонун баштапкы жыйынтыгын жарыялады"Борбор Азияда интернетке көзөмөл күчөтүлүүдө"Бадахшанда жанкечтилердин атайын батальону түзүлдү