Президент Садыр Жапаров тамеки жана аэрозолдун зыяндуу кесепеттеринен коргоо жөнүндө мыйзамга кол койду.
"Мыйзам бардык тамеки каражаттарынын жарнамасына толук тыюу салуу аркылуу, тамекиге жана тамеки каражаттарынын бардык түрлөрүнө каршы күрөшүү боюнча нормаларды жакшыртууга жана чараларды күчөтүүгө багытталган", - деп жазылган президенттин басма сөз кызматы тараткан маалыматта.
2021-жылдын 29-июлунда Жогорку Кеңеш тарабынан кабыл алынган мыйзамдын максаты – Кыргыз Республикасынын калкынын саламаттыгын тамекини колдонуунун кесепеттеринен коргоо, ошондой эле Дүйнөлүк саламаттык сактоо уюмунун (ДСCУ) тамекиге каршы күрөшүү боюнча Рамкалык конвенциясын реализациялоого багытталган.
Буга чейин Саламаттык сактоо министрлиги Кыргызстанда курагы 18 жаштан жогорку калктын 25 пайыздан ашыгы тамекиге көз каранды экенин маалымдаган. Эки жыл мурдагы статистикада чылым тарткандардын 48,2% эркектер, 2,7% аялдар түзгөн.
Дарыгерлер тамеки колдонуудан өпкө рагы, жүрөк-кан тамыр ооруларына чалдыккандар, каза болгондор да көп экенин айтып келишет.
Тамекиге чегүүгө каршы мыйзам алгач 2019-жылы сунушталып, бир катар ишкерлердин нааразылыгын жараткан. Ушул эле жылы январь айында күчүнө кирген “Мыйзам бузуулар боюнча кодекске” ылайык, билим берүүчү бардык жайларда, балдар эс алуучу менчик жана коомдук жайларда, саламаттык сактоого тийиштүү, өрт чыгуу коркунучу бар бардык жерлерде чылым чегүүгө тыюу салынган. (JsA)
Дагы караңыз
Камакка алынган Алмаз Сарыбаев жеке ооруканага которулду Михаил Саакашвили Грузияга кайтып барарын жарыялады"Озоди" "Талибан" жүздөгөн качкындарды Тажикстанга өткөрбөй жатканын билдирдиБишкекте жол кире 1-ноябрдан тартып көтөрүлөтАзимжан Аскаровдун өлүмүн УКМК иликтейт