АКШ элчилигинин алдына жаныбарларды коргоого чакырып, Бишкектин он чакты тургуну акцияга чыкты. Алар көчөдөгү ит-мышыктарды атууга каршы экенин айтууда. Акцияга чыккандар, Бишкекте жыл сайын 10 миңден ашык ит атыларын, ага бюджеттен 3 млн. сом бөлүнөрүн белгилешкен.
Буга чейин Бишкектин мурдагы вице-мэри борбордо 200 миңдей жолбун ит бар экенин, алардын 60-70 миңдейин жыл сайын мэрия аттырып турарын билдирген эле. Ал жыл жолбун иттер шаарда көбөйүп жатканын айткан.
2020-жылы эле шаарда 1456 кишини ит тиштеп алып, расмий арыз менен мэрияга кайрылган.
Бишкек мэриясына караштуу "Тазалык" муниципиалдык ишканасы февраль-март айларында шаардагы жолбун иттерди тазалоо иштерин жүргүзүп жатат.
Медиктер жыл сайын ит, мышыктан адамга жуккан боордогу мите курт, паразит оорулары көбөйгөнүн эскертүүдө. (КЕ/GT)
Дагы караңыз
Ооганстанда талибдер бир канча кишини эл алдында дарга астыБишкекте лидер аялдардын форуму өтүп жататОрусияда шайлоо жыйынтыгына нааразылар акцияга чыктыШайлоо-2021: талапкер болууну көздөгөндөр саны 34кө жетти