Ооганстандын чыгышында талибдерге таандык автомашинелер чабуулга кабылганы маалымдалды. Кол салуулардан бир нече согушкер жана карапайым киши набыт болду. Жалалабад провинциясында белгисиз бирөө “Талибандын” машинесине ок чыгарганда эки жоочу жана бери дегенде бир жайкын адам өлдү. Бул тууралуу окуяга күбө болгон оогандар айтып беришти. Талибдер болсо окко учкандар жалаң катардагы адамдар болчу деп билдиришти.
Бир сааттан кийин Нангархар аймагынын борбор шаарында жолдун боюна коюлган бомба жарылып, талибдердин бир кишиси жана карапайым тургун каза тапты. Ушул эле шаарда дагы бир жардырууда бир киши жараланды.
Бул чабуулдарды ким уюштурганы белгисиз. Буга чейин Жалалабад шаарындагы ушундай эле кол салууну “Ислам мамлекети” радикал уюмунун жергиликтүү канаты ишке ашырганын билдирген.
Өзүн “Ислам мамлекети-Хорасан” деп атап алган топ Ооганстандын талибдер башкарган жаңы бийлигине кас мамиледе. Эки согушкер уюм “Талибан” Кабулду ала электе эле бири-бири менен согушуп келген.
Дагы караңыз
Кыргызстан Өзбекстандан жейрен алып келүү жөнүндө келишим түздү Евразия жазуучулар бирлиги Арслан Койчиевдин түркчө китебинин бет ачарын өткөрдүТөрөлбөй жатып чарчаган ымыркайларБензиндин баасы боюнча Кыргызстан ЕАЭБ аймагында үчүнчү тепкичке чыктыСахна артында: "Образга кирип, ооруп калчу"