Лейлек районундагы Исфана-Кайрагач жолунун 13-чакырымында жекшембиде Honda Stepwgn жана Honda Fit үлгүсүндөгү эки жеңил автоунаа кагылышып, эки эркек киши каза болуп, жети адам жаракат алды.
Өзгөчө кырдаалдар министрлиги билдиргендей, кырсык болгон жерге куткаруучулар барып, унаада кыпчылып калган кишинин сөөгүн чыгарып, милицияга өткөрүп беришкен. Жабыркагандар "Тез жардам" менен Сүлүктү шаардык ооруканасына жеткирилди.
Кыргызстанда акыркы сегиз айда 497 адам жол кырсыгынан каза болду. Бул күнүгө экиден киши көз жумат дегенди билдирет.
Кырсыктан каза болгондордун басымдуусу беш жаштан 29 жашка чейинкилер, жараат алгандардын көпчүлүгү дагы ал-күчкө толуп турган адамдар. (DU)
Дагы караңыз
Ак-Буураны көрктөндүрүү долбоору боюнча Ош мэриясына кылмыш иши козголдуФБР 9/11 тууралуу иликтөөнүн жыйынтыгын жарыялады“Унаа” ишканасы боюнча текшерүүнүн жыйынтыгы бүгүн жарыяланат Баткен: Жаш активисттер бийликтин убадаларын тескеген сайт ачышты Ош: Аялдарды тизмеден чыгарууну колдогон шайлоо комиссиясынын ордуна жаңылар келди