Борбордук шайлоо комиссиясынын мүчөсү А. Э. алдамчылык менен кармалды. Бул тууралуу маалыматты Улуттук коопсуздук боюнча мамлекеттик комитеттин (УКМК) басма сөз кызматы 11-сентябрда таратты.
Анда айтылгандай, коопсуздук комитетине А. Д. аттуу жаран арыз менен кайрылып, БШКнын мүчөсү "Кыргызстан" саясий партиясынын лидери менен кошо 550 000 доллар алганын билдирген. Акча 2020-жылы, июнь айында парламенттик шайлоого катышуучу партиялык тизмеде алдыңкы беш орундун ичине кошуу убадасы менен алынган.
Шайлоонун жыйынтыгы жокко чыгарылгандан кийин акчанын 300 миң доллары гана ээсине кайтарылган.
УКМК Боршайкомдун мүчөсү А. Э. Башкы прокуратура тарабынан Кылмыш кодексинин 204-беренеси ("Ири өлчөмдөгү алдамчылык") менен шек саналып жатканын, Бишкектин Биринчи Май райондук сотуна бөгөт чарасын кароо үчүн жеткирилгенин маалымдады.
Райондук сот аны эки айга УКМКнын тергөө абагына камоого чечим чыгарган.
УКМК алдыдагы парламенттик шайлоого катышуучу саясий партияларды бул окуяга көңүл бурууга чакырып, шайлоо мыйзамдарын бузууга жана саясий коррупцияга жол берилбей турганын эскертүүдө.
2020-жылы 4-октябрдагы парламенттик шайлоого 16 саясий партия катышкан. "Кыргызстан" саясий партиясы 7% босогодон ийгиликтүү өткөн партиялардын катарында болгон. Шайлоонун акыйкатсыз өткөнүнө нааразылыктан улам, өлкөдө бийлик алмашкан. (ZKo)
Дагы караңыз
Орозайым Нарматова ИИМге сурак берип чыкты"Ата Мекен" жана "Реформа" партиялары демократиялык коалиция түздүБишкекке дагы 210 автобус келди"Газпром" "Түндүк агым-2" газ кууру курулуп бүткөнүн жарыяладыАкыйкатчы Нарматованын кармалышына байланыштуу түшүндүрмө талап кылуудаОоганстанда талибдер Амрулла Салехтин агасын өлтүрүштүТаласта секелектерге тийишкен шектүү камалдыТалиб өкмөтүндөгү негизги фигуралар: Хаккани ИИМди башкарат