Парламенттик шайлоону өткөрүү үчүн болжол менен 602 млн. сом жумшалат. Бул тууралуу Борбордук шайлоо комиссиясынын төрайымы Нуржан Шайлдабекова 8-сентябрдагы маалымат жыйында билдирди. Анын айтымында, сарпталчу каражат алдын ала эсептелгендиктен шайлоого жакын анын суммасы өзгөрүшү ыктымал.
Жогорку Кеңештин 7-чакырылышын шайлоо 28-ноябрда өтөт. Анын расмий жыйынтыгы 18-декабрга чейин аныкталат.
Жаңы Конституциялык мыйзамга ылайык, парламент 90 депутаттан турат. Депутаттар пропорционалдык жана мажоритардык система аркылуу шайланат.
2020-жылы 4-октябрда өткөн парламенттик шайлоонун акыйкатсыз, бийликчил партиялардын пайдасына өткөнүнө нааразылык жаралып, Кыргызстанда бийлик алмашкан. Экс-президент Сооронбай Жээнбеков кызматын мөөнөтсүз тапшырып, анын ордуна Садыр Жапаров мамлекет башына келген. 4-октябрдагы шайлоонун жыйынтыгы жокко чыгарылган. (КЕ)
Дагы караңыз
Тажикстандын атайын кызматы Кыргызстандын жаранын кармап кеттиБишкекте "Таңшы комуз" иш-чарасы өтөтАКШнын Иран боюнча чабарманы Европага сүйлөшүүгө барат Атамбаевдин тарапташтарынын митинги болбой калды"Кыргызкөмүргө" жаңы жетекчи дайындалды