Тажикстандын Улуттук коопсуздук мамлекеттик комитетинин кызматкерлери 6-сентябрда Баткен районунун Үч-Дөбө айылынын тургуну Кубанычбек Акматовду кармап кеткен.
Бул тууралуу Кыргызстандын Улуттук коопсуздук боюнча мамлекеттик комитетке караштуу Чек ара кызматы билдирди. Алдын ала маалыматка ылайык, Кубанычбек Акматов Кыргызстандын аймагында дары чөптөрдү чогултуп жүрүп Үч-Дөбө айылы тарапка барган.
Тажикстандын коопсуздук кызматкерлери аны транзиттик жолдо кармап кетип, ага Тажикстандын жарандарына чөп сатууга аракет кылган деген айып койгон. Кармоо учурунда Кыргызстандын жаранынан болжол менен 100 кг альп ферула чөбү табылган.
Бул окуя боюнча эки өлкөнүн облустук ички иштер башкармалыктарынын башчылары сүйлөшүп жатат.
Маалыматка караганда, жакын арада Кыргызстан менен Тажикстандын чек ара өкүлдөрүнүн жолугушуусу болуп анда Кубанычбек Акматовду өз мекенине кайтаруу маселеси каралат. Тажик тарап ал ушул күндөрү Дүйшөмбү шаарында Улуттук коопсуздук боюнча мамлекеттик комитеттин убактылуу кармоочу жайында кармалып турганын кабарлаган. (BTo)
Дагы караңыз
Электр энергиясын бөлүштүргөн төрт компания бириктирилетАвстрия, Чехия, Словакия ооган качкындарын көп кабыл алууга макул эмес Атамбаевдин тарапташтарынын митинги болбой калдыЭламан Келдибеков: Миграцияда көп нерсени түшүндүм "Кыргызкөмүргө" жаңы жетекчи дайындалдыТаласта секелектерге тийишкен шектүү камалды