Франциялык белгилүү киноактёр Жан-Поль Бельмондо 88 жашында көз жумду. Бул тууралуу "Франс-пресс" жаңылыктар агенттиги 6-сентябрда актёрдун адвокатына шилтеме кылып кабарлады. Актёрдун өлүмүнө эмне себеп болгону айтыла элек.
Бельмондо 1950-жылдары калың элге тааныла баштаган. Ал 1950-60-жылдардагы француз кинематографиясындагы жаңы толкундун көрүнүктүү өкүлү катары мүнөздөлүп келет.
Актёр 26 жашында Жан-Люк Годардын "Акыркы дем" аттуу фильминде Мишел Пуакар аттуу ээнбаш жигиттин ролун ойноп, бүтүндөй дүйнөгө атагы чыккан.
Бельмондо 50 жылдан ашкан карьерасында Франциядагы комедия жана экшн-фильм жанрындагы тасмаларда ондогон ролдорду жаратты.
Ал баш-аягы 80ден ашык фильмде роль ойногон. Time журналы 1964-жылы Бельмондону "Франциянын жүзү" деп атаган.
Дагы караңыз
Эмне үчүн Кыргызстанда балдар кооптуу шартта окушат?Жамила: Дрезденде Баткендин өрүгүн изилдейбизИран: өзөктүк келишим боюнча сүйлөшүүлөр уланатБабанов Бишкекке кайтып келди | БҮГҮН АЗАТТЫКТА | 06.09.21