Бүгүн 1-сентябрда Жогорку Кеңештин кезектеги сессиясы ачылды. Алгачкы жыйын символикалык түрдө гана өтүп, эч кандай маселе каралган жок.
"Республика Ата-Журт" фракциясынын жаңы депутаты Авазбек Абдугапаров ант берип, расмий түрдө ишке киришти.
Парламент төрагасы Талант Мамытов кийинки отурум келерки аптада болорун жарыялап, депутаттарды активдүү иштөөгө чакырды:
"Жогорку Кеңештин фракциялары жана комитеттери бүгүнкү күндөн тартып иштей баштайт. Баарыңар мыйзам долбоорлору боюнча активдүү катышып, ишти улантууну суранам".
Парламент июндун аягында жайкы эс алууга тарап, 5-июлда кайра бир айлык кезексиз сессиясын баштаган.
Жогорку Кеңеш 120 мандаттан турат. 2020-жылы Кыргызстанда парламенттик шайлоо өтүп, анын жыйынтыгы жокко чыгарылган.
Кезектеги шайлоо 28-ноябрда жаңы эреже боюнча өтөт. Бул жолку парламенттик шайлоо пропорционалдык (54) жана мажоритардык (36) система менен өткөрүлөт. (RK)
Дагы караңыз
Парламенттик шайлоого катышууну каалаган бир нече партия арыз бердиКыргыз-казак айтышынын жеңүүчүлөрү аныкталдыRSF: Кремл шайлоо алдында Интернетте “чектөөнү күчөттү”Айрым өлкөлөр Ооганстандан жарандарын алып чыгууга жетишпей калды