Француз президенти Эммануэл Макрон “Ислам мамлекети” террордук уюмунун мурунку таянычы болгон Ирактын Мосул шаарына барып, өлкөнүн диний жамааттарын согушта талкаланган мамлекетти курууда “чогуу аракеттенүүгө” үндөдү. 29-августта Макрон шаардагы талкаланган чиркөөдө туруп сүйлөгөн сөзүндө Франция “консулдук өкүлчүлүгүн жана мектебин кайра ачарын” айтты.
Мосул – негизинен сунниттер байырлаган шаар. Алардан тышкары ар кыл этностук жана диний топтор да жашайт. 2017-жылы шаар «Ислам мамлекети» террордук тобунун карамагынан бошотуу операциясында катуу кармаштын алдында калып талкаланган.
Макрон ошондой эле эски шаардагы исламчыл жихадчылар талкалап кеткен «Ан-Нури» мечитине да токтоду.
Француз лидери Ирактын түндүгүндөгү Күрдистан аймагынын борбору Эрбилге да барып, ал жердеги француз жоокерлери менен кезигет. Күрдистан автономиясынын жетекчиси Нечирван Барзани менен жолугат.
28-августта Макрон Франция Иракта терроризмге каршы күрөшүү үчүн жоокерлерин бул өлкөдө дагы кармап турарын айтты.
Дагы караңыз
Дашков камакка кайтты, абак жетекчилери кызматтан четтедиАйбалаев: алдыңкы 30 жылдагы милдетибиз - Баткенди сактап калуу Ноябрга белгиленген шайлоо, саясий күчтөрдүн абалы жана дымагы