БУУ: Ооганстандагы качкындар жарым миллионго жетиши мүмкүн

Пакистан менен чек арадагы ооганстандык качкындар. Август, 2021-жыл.

Бириккен Улуттар Уюмунун (БУУ) Качкындар агенттиги жыл аягына чейин Ооганстандагы зомбулуктан качып чыккандардын саны 500 миңге чукулдайт деп болжолдоодо. Ага ылайык, учурда чет өлкөлөрдө, анын ичинде Пакистанда жана Иранда "качкын" катары катталган 2,2 миллион оогандын катарын жыл соңуна чейин дагы жарым миллион адам толукташы ыктымал.

БУУнун Качкындар комиссариаты 27-августта билдиргендей, "Талибан" (Кыргызстанда жана бир катар өлкөлөрдө тыюу салынган) кыймылы бийликти басып алгандан кийин, Ооганстандагы кырдаал күчөшү мүмкүн. Жыл башынан бери өлкөнүн ичинде согуштан качып жер которгон элдин саны 558 миң адамды түздү. Көпчүлүгү аялдар жана балдар.

Башкы комиссардын орун басары Келли Клементс 27-августта Женевадагы брифингде билдиргендей, күн сайын бир нече миң оогандыктар Иранга качып өтүүдө. Ал Ооганстанда кырдаал күтүлбөгөндөй ылдамдык менен өзгөрүп жатканын кошумчалады.

15-августта “Талибан” кыймылы Ооганстанда бийликти басып алган. Ошондон тарта Кабул аэропорту аркылуу АКШ жана анын союздаштары 100 миңдей кишини алып чыгып кетти. Анын ичинде өмүрү коркунучка кептелген он миңдеген оогандар да бар.

Дагы караңыз

Казакстан Жамбылдагы жарылуудан курман болгондорго аза күтүп жатат Жогорку Кеңештин депутаттарын шайлоо 28-ноябрга белгиленди  Бишкекте "Ынтымак" паркынын экинчи бөлүгү ачылдыКоронавирус дагы 213 кишиден аныкталып, беш бейтап  көз жумду Чек ара: Максатта үйлөр бүттү, көйгөй калдыДашковдун ооруканага которулушунан улам УКМКнын кызматкерлери иштен четтетилди Ошто жол кырсыгынан үч киши каза тапты